Wanawake waomba mapadre waoe

Kundi moja la wanawake walio na hisia za kimapenzi na mapadre wa kikatoliki wamemuandikia barua kiongozi wa kanisa katoliki duniani Papa Francis ya kumtaka kubadilisha sheria za kanisa hilo zinazowazuia viongozi hao wa dini kuoa.    




Papa Francis kiongozi wa kanisa katoliki

Wanawake hao 26 kutoka Italy na maeneo mengine wanasema kwamba wamekuwa wakishiriki ama wanataka kushiriki katika uhusiano wa kimapenzi na mapadre na kwamba wametoa ombi hilo kwa niaba ya wanawake wengine ambao wako katika hali kama hiyo

Barua hiyo inazungumzia kuhusu uchungu wa kushindwa kuishi maisha yao kikamilifu mbali na kutaka kukutana na papa Francis.
Papa Francis amekuwa akiunga mkono utamaduni wa ujane,lakini mwaka 2010 aliandika akisema kuwa huenda msimamo wake ukabadilika.
Papa francis amekuwa akimtembelea mjane wa aliyekuwa kasisi Jeronimo Podesta ambaye alijiuzulu katika utumishi wake na kuoa, zaidi ya miaka 40 iliopita.
Read more »

Ehud Olmert jela kwa miaka sita

Ehud Olmert

Mahakama moja nchini Israel imempa kifungo cha miaka sita jela aliyekuwa waziri mkuu nchini Israel Ehud Olmert kwa kosa la kupokea hongo.

Bwana Olmert alipatikana na hatia mwezi machi katika kile kilichojulikana kama 'swala la eneo takatifu' ambapo hongo ilitolewa ili kuharakisha ujenzi wa majumba ya kifahari mjini Jerusalem

Kiongozi huyo alikuwa ameondolewa mashitaka katika kesi tofauti zilizokuwa zikimkabili.
Mashitaka yaliomkabili yalitekelezwa wakati Olmert alipokuwa meya wa mji wa Jerusalem na baadaye akiwa waziri wa serikali.

Ehud Olmert alimrithi Ariel Sharon kama waziri mkuu mnamo mwaka 2006 baada ya Sharon kuugua ugonjwa wa kiharusi.
Alijiuzulu mnamo mwaka 2008.


Read more »

UN yalaaani shambulizi Somalia

Mji wa Baidoa ulikombolewa na serikali kutoka kwa Al Shabaab miaka 2 iliyopita

Umoja wa Mataifa umelaani shambulizi baya sana la kujitoa mhanga lililotokea eneo la Kati mwa Somalia Jumatatu.

Taarifa kutoka kwa Muungano wa Afrika imesema kuwa watu 19 walifariki katika shambulizi hilo lililotokea mjini
Baidoa mnamo Jumatatu.

Mwakilishi maalum wa Umoja wa Mataifa nchini Somalia, Nicholas Kay, alisema kuwa alishtushwa sana na ukubwa wa mlipuko huo, na kuwataka wale waliotekeleza shambulizi hilo kuchukuliwa hatua za kisheria.

Mji wa Baidoa ulikombolewa na serikali kwa usaidizi wa wanajeshi wa Muungano wa Afrika kutoka kwa wapiganaji wa Al Shabaab miaka miwili iliyopita.
Read more »

Nigeria tayari 'kulegeza msimamo'

Marekani kusaidia kuwasaka wasichana waliotekwa na Boko Haram

Serikali ya Nigeria inasema kuwa iko tayari kuzingatia mbinu zote zitakazowezesha kuachiliwa huru salama kwa zaidi ya wasichana mia mbili wa shule waliotekwa nyara na wanamgambo wa kiislamu wa Boko Haram

Awali waziri wa serikali alikuwa ameshikilia msimamo mkali kama vile kukatalia mbali pendekezo la kiongozi wa Boko Haram la kubadililishana wafungwa wa Boko Haram wanaozuiliwa na serikali na wasichana hao.

Wakati huohuo, jamaa namarafiki wa wasichana hao waliotekw anyara wameweza kuwatambua baadhi ya wasichana kutoka katika kanda ya video iliyotolewa na kiongozi wa Boko Haram Abubakar Shekahu siku ya Jumatatu.
Familia za wasichana hao ziliweza kutazama kanda hiyo ambapo Shekahu alisema sharti serikali iwaachilie wafungwa wao kabla ya wao kuwaachilia wasichana hao ambao kundi hilo limesema wameweza kuwasilimisha.


Marekani imesema inapeleka vifaa vya uchunguzi nchini Nigeria kusaidia katika juhudi za kuwatafuta wasichana wanaozuiliwa na kundi la Boko Haram.
Wasichana hao walitekwa nyara kutoka shule moja Kusini mwa eneo la Borno mwezi mmoja uliopita.
Msemaji wa Rais Obama Jay Carney amesema kikosi cha maafisa 30 kiko nchini Nigeria tayari kushiriki juhudi hizo.

Amesema msaada huo wa Marekani kutoka wizara za mambo ya nje na ulinzi na pia kutoka idara ya uchunguzi ya FBI.

Hatua hiyo imechukuliwa wakati baadhi ya Jamaa za wasichana waliotekwa nyara wakielezea majonzi baada ya kutazama kanda ya video iliyotolewa na kundi hilo.

'Matumaini'
Baadhi wameiambia BBC kuwa kanda hiyo imewapa matumaini lakini wameshangaa kuona wasichana hao ambao wengi ni Wakristu wamevalia mavazi ya Kiislam.
Akizungumza kwa uchungu nduguye mmoja wa wasichana waliotekwa ameiambia BBC ni heri kanda hiyo ingeonyesha maiti za wasichana hao kwa kuwa hiyo ingeondoa wasiwasi unaoendelea kukithiri na kuumiza mioyo ya wengi.
Kwenye kanda hiyo ya video kiongozi wa Boko Haram , Abubakar Shekau anasikika akiambia serikali ya Nigeria yuko tayari kubadilishana baadhi ya wasichana hao na wafuasi wake waliofungwa jela.
Seneta Ali Ndume kutoka eneo ambapo wasichana hao walitekwa nyara anaisihi serikali kulegeza msimamo.
Read more »

ALBINO AUAWA, ACHUKULIWA VIUNGO VYAKE HUKO SIMIYU

Mwili wa marehemu Nughu Lugata ulivyokutwa

Mguu wa marehemu Nughu Lugata ukiwa umekatwa.

MAREHEMU Nughu Lugata ambaye ni albino ameuawa na viungo vyake kuchukuliwa na watu wasiojulikana jana majira ya saa moja jioni huko Bariadi mkoani Simiyu.

Nughu ameuawa kwa kukatwa mapanga na baadhi ya viungo vyake kama mguu wa kushoto na vidole vitatu kuchukuliwa na watu wasiojulikana.

Marehemu alikuwa mkazi wa Gasuma akijishughulisha na kilimo.

Read more »